Durante e kurso “Hóben Empresario” hóben di fundashon Jong Bonaire a siña kon pa bira empresario i a traha nan propio produkto. E produkto ku nan a inventá yama “Kasita Bonita”. Meta di e kurso ta pa eduká i guia hóben pa nan mes por bira empresario.
E kurso ta dirigí na hóbennan entre 13 pa 22 aña. Den e prome parti nan a studia teoria, siguí pa un parti ku enfoke riba praktiká. Pa e parti di praktiká nan mester a desaroyá un produkto ku por ofresé riba merkado. Komo regalo, Diputado Den Heyer a risibí un “Kasita Bonita” di parti di e hóbennan pa asina selebrá nan éksito.
Diputado Den Heyer ta entusiasmá ku e kurso "Nos ta mira hopi biaha kuantu talento nos hóbennan tin. Ta nos trabou, huntu ku nos partnernan, pa duna nan oportunidat pa deskubrí i mustra nan talento."
