Kolegio Ehekutivo ta enfatisá ku e programa di kaminda ta keda ehekutá den bon konsulta ku Hulanda i ta lamentá e bruashon ku a surgi despues di a emití un komunikado pa prensa tokante renobashon di kaminda. Desafortunadamente a surgi e impreshon ku ta te ora ku Hulanda paga e siguiente parti di sèn Boneiru por ehekutá e programa di kaminda.
En total Boneiru a risibí 8,5 mion euro di ministerio di Infrastruktura i Maneho di Awa pa e kamindanan. Na luna di yüli 2021 lo hasi transakshon di un suma di 3 mion euro. Esaki ta sufisiente pa por ehekutá tur renobashon di kaminda ku ta planiá pa 2021.
Na fin di aña 2021 i durante aña 2022 ta sigui e fondonan restante na momentu ku a kumpli tambe ku e palabrashonnan hasí den e plan di mehorashon adishonal di direktorado di Planifikashon i Desaroyo. Ku e fondonan akí por realisá e kamindanan ku ta planiá pa 2022 – 2023.
En total segun planifikashon lo renobá 18 kaminda kompletamente (wak e komunikado di prens anterior).
Kolegio Ehekutivo ta enfatisá ku e programa di kaminda ta keda ehekutá den bon konsulta ku Hulanda
Kompartí riba
