Gezaghèber Rijna ta risibí relato anual di Korte Komun di Hustisia

Resientemente Korte Komun di Hustisia a ofresé su relato anual na gezaghèber di Boneiru, Edison Rijna.

E tema pa e aña akí ta ‘Retrospectus pro futuro’; wak bèk pa futuro. E relato anual inkluso kuenta anual ta disponibel den forma digital tambe. Por skèn e QR-code via un telefòn òf tèblet pa por lesa e dokumentunan. Gezaghèber Rijna a keda hopi impreshoná pa esaki: ‘Den e époka digital ku nos ta bibando,ta bira kada biaha mas importante pa bai ku tempu. Banda di esaki e solushon akí ta mas mihó pa medio ambiente tambe.’

--

Riba potrèt di robes pa drechi: Geritza Fermi (ménedjer di establesimentu di Korte di promé instansia na Boneiru), gezaghèber Edison Rijna i Maroeska Scholte (vise presidente di Korte Komun di Hustisia na Kòrsou i Boneiru).