Gezaghèber Rijna ta risibí buki di historia di religion na islanan ABC

E buki ta trata historia di Iglesianan Aliansa Evangélika na islanan Aruba, Boneiru i Kòrsou.

Siman pasá Gezaghèber Edison Rijna a risibí e ansiano pastor na Iglesia Aliansa Evangélika Prens di Pas di Nikiboko, Randolf Paula huntu ku su kasá Miralda Paula. E motibu di e bishita akí tabata pa hasi entrega di e buki ‘E Maravianan di Señor’, esaki na nòmber di Komunion di Iglesianan Aliansa Evangélika ABC i Iglesianan Aliansa Evangélika na Boneiru.

E buki ta trata historia di Iglesianan Aliansa Evangélika na islanan Aruba, Boneiru i Kòrsou i kon e ‘Mishon Team’ a fundá e iglesianan akí. Miralda Paula, kende ta outor, a kompilá i kordiná e trabou di e buki akí, huntu ku un tim di Aruba, Kòrsou i Boneiru, esaki riba petishon di Pastor Eusebio Petrona. “E historia den e buki akí ta di sumo importansia, pa sa kon Iglesianan Aliansa Evangélika a kuminsá ku e trabou di evangelisashon na islanan ABC i spesífikamente riba Boneiru i kon Dios a transformá bidanan”, e pastor ta bisa