Resientemente gezaghèber Edison Rijna tabata presente na e di 10 aniversario di Liseo Boneriano, e skol di enseñansa avansá na Boneiru. Di e direktor di unidat Barbara Sol gezaghèber a risibí un bunita buki.
‘Pa mi ta un satisfakshon grandi di mira kon e skol akí ya durante un dékada kaba ta hasi esfuerso pa nos muchanan riba nos isla. Ofresé enseñansa kualitativo ta un prioridat máksimo, no solamente pa Liseo manera a resultá for di rapòrt positivo di Inspekshon di Enseñansa, pero pa mi i pa Entidat Públiko Boneiru tambe’, segun gezaghèber.
Un pabien ta bai tambe pa tur e personanan ku a para na kuna di Liseo Boneriano i ku ainda ta traha na e skol akí: Lilian Paula, Gerardine van Arneman, Edelmira Carolina, Monique Meijer, Herbert Silié, Joost Latiers, Sidney Martijn i Leo Loozen.
