Gezaghèber John Soliano a kumpra e promé karchi pa Ride for Roses Bonaire

Gezaghèber John Soliano ta e promé persona ku a kumpra un karchi pa e próksimo edishon di Ride for Roses, ku nan ta tene dia 2 di febrüari na Boneiru. Ku e akto simbóliko akí el a duna señal pa ranka sali ku e evento i e ta hasi un yamada riba tur hende pa partisipá i di e manera ei sostené e lucha kontra kanser na Boneiru.

Ride for Roses ta un evento anual, kaminda komunidat ta bini huntu pa rekoudá sèn pa promoshon di konsientisashon, prevenshon, sosten i investigashon rònt di kanser i pashèntnan di kanser.

Banda di esaki Fundashon Ride for the Roses ta sostené inisiativanan privá tambe na Boneiru. Na momentu di registrashon e partisipantenan por skohe pa partisipá na vários aktividat, entre otro: Ride, Walk/Run òf Swim. Aparte di esaki ta posibel tambe pa kumpra un karchi kombiná, kaminda por kombiná ‘swim’ ku ‘ride’ òf ‘walk’. E evento ta tuma lugá na Isidel Beach Park dia 2 di febrüari 2025 i ta kuminsá 06:30 or.

‘Mi ta enkurashá tur hende pa kumpra un karchi i partisipá na e kanamentu’, asina gezaghèber Soliano a bisa. ‘Huntu nos por hasi e diferensia pa e personanan ku e malesa akí a afektá.’ Pa medio di kumpra un karchi i partisipá, bo ta kontribuí na inisiativanan lokal importante ku ta influensiá bida di pashèntnan di kanser i nan sernan kerí positivamente. Karchi ta optenibelonline na Bon Bida, Freewieler i pòmp di gasolin Rincon. Pa mas informashon bishitá www.ridefortheroses.org.

Djòin gezaghèber Soliano i hopi otro hende: kumpra bo karchi awe mes i sostené e bon kousa!