Gezaghebber Rijna a risibí infanteristanan aeromobil

Gezaghebber Rijna na su turno, na nòmber di gobièrnu insular, a pega e eskudo di Boneiru serka Kapitan Huis in ’t Veld.

Mayor Arthur Duursma i Kapitan Martijn Huis in ’t Veld, di A -JAVA Compagnie 12 Infbat LMB resientemente a hasi un bishita di kortesia serka gezaghebber Edison Rijna. Durante e bishita akí nan a informá gezaghebber di e ehersisionan militar i trabounan boluntario den e área di pal’i mangel durante nan estadia riba nos isla. Gezaghebber Rijna na su turno, na nòmber di gobièrnu insular, a pega e eskudo di Boneiru serka Kapitan Huis in ’t Veld. Esaki komo muestra di apresio pa e lasonan amistoso ku e kompania militar.