Na nòmber di Entidat Públiko Boneiru, diputado Silberie ta ekspresá su sosten i mihó deseo pa ekipo di Kòrsou ‘The Blue Wave’ i tambe pa ekipo di Hulanda ku nan partisipashon na Kopa Mundial 2026.
Deporte tin e poder pa uni hende, komunidat i pais ku otro. Pa representá bo pais òf bo isla na nivel internashonal ta eksigí perseveransia, trabou konhunto den tim i dedikashon. Ta balornan ku ta di gran importansia, no solamente den deporte, pero tambe den nos komunidat.
Diputado Silberie ta ekspresá su apresio spesial pa ekipo di Kòrsou ‘The Blue Wave’, ku ta representá ku orguyo region di Karibe riba tarima mundial.
“Nos ta orguyoso di e logro di nos rumannan di Kòrsou. Boso aporte, talento i perseveransia ta un inspirashon pa deportista hóben den e parti karibense di Reino. Na nòmber di Boneiru, nos ta deseá boso tur klase di éksito i hopi punto deportivo kulminante durante e Kopa Mundial akí.”
E diputado ta dirigí su mes tambe na ekipo di Hulanda.
“Komo parti di Reino Hulandes, nos ta deseá ekipo di Hulanda tambe masha éksito durante e torneo internashonal akí. Nos ta ferwagt kompetensia deportivo, logro bunita i un evento kaminda rèspèt, koperashon i union ta pará sentral.”
Na nòmber di Boneiru, diputado Silberie ta deseá tur dos ekipo masha éksito, forsa i deportivismo durante Kopa Mundial.
