Durante e festival en total 15 partisipante ta kompetí pa e kantikanan ganadó ku lo ta sentral durante selebrashon di Dia di Boneiru 2026.
Ta organisá e festival un biaha pa aña i e konosé dos kategoria: mucha/hóben i adulto. E aña akí seis partisipante ta kompetí den e kategoria di mucha/hóben i nuebe partisipante ta kompetí den e kategoria di adulto.
E último dos añanan e festival a tuma lugá na Club Vitesse – Social Café. E aña akí e evento ta muda pa Corallium Hotel. E organisashon a ripará ku interes pa e festival ta mas grandi e aña akí, kompará ku e dos añanan anterior.
Aña pasá partisipantenan femenino a gana den ámbos kategoria. Xaishanya Balentin a gana den kategoria di mucha/hóben i Rayshantely Coffie a gana den kategoria di adulto.
Ku Festival Kanta bo Boneiru, kantantenan lokal ta haña oportunidat pa mustra nan talento i kontribuí na selebrashon di Dia di Boneiru. E kantikanan ganadó di e aña akí ta haña un lugá spesial durante Dia di Boneiru 2026.
