Entidat Públiko Boneiru (EPB) a tuma nota di e tarifanan nobo di Water- en Energiebedrijf Bonaire N.V. (WEB), ku ta drenta na vigor 1 di yüli 2026.
EPB ta rekonosé ku e subida di tarifa di elektrisidat variabel por ta motibu di preokupashon pa tantu residente komo empresario. Mirando e kostonan haltu kaba di kosto di bida, un resibu di energia mas haltu por forma un peso finansiero èkstra pa kasnan di famia.
Pa e motibu akí, EPB ta investigá posibilidatnan pa parsialmente mitigá konsekuensianan di e subida di tarifa akí. Aki ta buska medida adekuá ku por limitá e efektonan negativo. Asina tin mas klaridat tokante esaki, EPB ta informá residentenan di esaki.
Na mes momentu, EPB ta hasi un yamada na habitantenan pa anda konsientemente ku uso di koriente i awa. Adaptashonnan chikitu den uso diario por kontribuí na limitashon di kostonan mensual.
Por ehèmpel siudadanonan por:
- uso èrko ménos largu òf ahustá esaki na un temperatura mas haltu;
- paga lus i aparato ora no ta usa nan;
- tene frishidèr i frizer bon será;
- laba paña ku un mashin di laba paña yen;
- usa awa kayente ku moderashon;
- laga drecha lèkmentu den kas na tempu;
- mónitòr uso di energia i awa propio aktivamente.
Habitantenan ku pregunta tokante nan kuenta òf uso por tuma kontakto ku WEB. EPB ta keda den konsulta ku WEB i otro partidonan enbolbí tokante desaroyo di e tarifanan.
EPB ta sigui traha pa garantisá servisionan básiko pagabel na Boneiru.
