Entidat públiko Boneiru ta duna un suma di $ 1.500 na empresa i kompania ku ta aktivo den agrikultura òf sektor di importashon eksportashon pa partisipá na un feria. Di 28-31 di mei awor ta tene e feria Agroalimentaria 2025 na Repúblika Dominikana.
Tin mas ku 250 empresa di Repúblika Dominikana na e feria i mas o ménos 170 kumpradó for di otro pais. Tin tur sorto di kos na e feria. Fruta tropikal, berdura, kòfi, kòkou, ròm, sigá i hopi mas. Tin tambe mas ku 1.350 enkuentro entre empresa i charla interesante tokante posibilidat nobo den sektor di agrikultura.
Danki na sosten di Caribbean Export, empresa den Karibe tambe por partisipá. Djaluna 12 di mei EPB ta organisá 17:30 un enkuentro di informashon den sala Buckley na Habitat. Durante e enkuentro ta duna mas informashon tokante e feria i bishitante por hasi pregunta.
Agroalimentaria ta prueba ku Repúblika Dominikana ta un pais importante riba merkado mundial di agrikultura. Na 2024 eksportashon na e pais a oumentá ku 17,7 %. Empresa òf organisashon por registrá via e lenk aki bou pa partisipá na e feria.
https://openbaarlichaambonaire.odoo.com/nl/event/handelsmissie-agroalimentaria-2025-1/register
