Entrante djaluna 21 di novèmber temporalmente no ta posibel mas pa hasi petishon pa bo pèrmit di konstrukshon digitalmente. Esaki por solamente físikamente den formato ‘hard copy’ na bali di direktorado di Planifikashon i Desaroyo (R&O). Bo por hasi petishon pa pèrmit di konstrukshon for di djaluna te ku djaweps entre 14.00 or i 16.00 or. Por hasi esaki na bali di direktorado di Planifkashon i Desaroyo (R&O) na Kaya Amsterdam 23.
Tene kuenta ku direktorado di Planifikashon i Desaroyo (R&O) no ta tuma petishon ku no ta kompletamente yená den tratamentu. Un petishon kompleto pa pèrmit di konstrukshon ta kontené:
- 1x Formulario di petishon pa pèrmit di konstrukshon firmá pa e persona ku ta hasi e petishon
- 1x Akta di parsela òf inspekshon por eskrito.
- 3x Pintura di spesifikashon di plan – bestektekening (formato A1)
Riba nos wèpsait www.bonairegov.com bo por download e formulario pa hasi petishon pa pèrmit di konstrukshon. Akí bo ta haña tambe mas informashon tokante e proseso di pèrmit di konstrukshon.
