Entidat Públiko Boneiru (EPB) ta hasi un yamada na mayornan i kuidadónan pa inskribí nan yu (bou di kua yu di kriansa) na tempu pa transporte eskolar pa aña eskolar 2026–2027. Por inskribí te ku djárason 12 di ougùstùs 2026 na Direktorado Komunidat i Kuido di EPB.
EPB ta organisá tur aña transporte eskolar pa alumnonan di skol básiko i sekundario. Ku e servisio akí, EPB ta pèrkurá pa alumnonan por biaha seif i sigur di un parada pa bai skol i bèk na mesun sitio.
Bon transporte eskolar ta yuda alumnonan yega skol seif i na tempu. P’esei EPB ta pidi mayornan i kuidadónan pa inskribí nan yu na tempu, asina por prepará e transporte na un manera bon.
Inskripshon
Mayornan i kuidadónan por inskribí nan yu na Direktorado Komunidat i Kuido, ku ta keda na Kaya Neerlandia 41. Por inskribí di djaluna te ku djabièrnè entre 08.00 i 17.00.
E kompania di transporte ta buska bo yu na un parada mas serka posibel di bo kas. Despues ta hiba bo yu skol. Despues di skol ta bolbe hiba bo yu e mesun parada.
Yena e formulario di inskripshon kompletamente i korektamente. Solamente ku e informashonnan korekto, EPB por plania i organisá transporte eskolar korektamente. Pa transporte eskolar ta pidi un kontribushon di mayor. Por paga EPB esaki online òf kèsh na Registro Sivil.
Bo ke hasi uso di transporte eskolar? Inskribí bo yu pa mas tardá djárason 12 di ougùstùs 2026.
Ta trata ainda inskripshonnan ku drenta despues di e fecha akí. Sinembargo e ora ei EPB no por garantisá ku for di e promé dia di skol bo yu por hasi uso di transporte eskolar.
Alumnonan ku nesesidat spesial di transporte
Bo yu tin un nesesidat spesial di transporte, por ehèmpel pasobra bo yu ta usa ròlstul? E ora ei inskribí bo yu tambe.
Ku e inskripshonnan akí, EPB ta haña un mihó bista di e nesesidatnan di transporte di alumnonan, loke por fasilitá solushon adekuá pa e grupo akí riba término korto.
Mas informashon
Bo tin pregunta tokante transporte eskolar? Tuma kontakto e ora ei ku Direktorado Komunidat i Kuido via e number di telefòn +599 715 5330.
