Pa motibu di un interupshon i mantenshon na ret, djamars, djárason i djaweps di e siman akí no tabata posibel pa prosesá petishon ònlain pa kompensashon pa artíkulo di skol, transporte eskolar i kompensashon pa koriente. Direktorado di Komunidat i Kuido ta pidi siudadanonan ku riba e dianan menshoná a hasi e petishon, pa hasi esaki di nobo. Esaki pa ta sigur ku a risibí nan petishon.
Pa pregunta tokante e petishon ònlain pa kompensashon pa koriente i kompensashon pa artíkulo di skol, siudadanonan por yama e number di telefòn 701 1055. Pa pregunta tokante e kompensashon pa transporte eskolar, siudadanonan por yama e number di telefòn 790 9595.
