Direktorado di Planifikashon i Desaroyo (R&O) di Entidat Públiko Boneiru ta pidi usuarionan di kaminda pa ta èkstra kouteloso durante mantenshon na vegetashon. Nan ta informá komunidat ku aktualmente tin trabou di mantenshon ta tumando lugá na e vegetashon den diferente bario. E kapplugnan ta aktivo ku snuimentu di palu i kòrtamentu di yerba kantu di kaminda pa tene nos ambiente di biba limpi, bon mantené i seif.
Durante e trabounan akí na sierto sitionan temporalmente por surgi molèster pa tráfiko. Pa e motibu akí Direktorado di R&O ta supliká tur usuario di kaminda, outomobilistanan i koredónan di skuter i baiskel pa baha nan velosidat, i pa nan ta èkstra alerta i tene sufisiente distansia na momentu di pasa banda di e kapplugnan i nan ekipo di trabou.
Aunke e trabounan temporalmente por kousa algun retraso, nan ta kontribuí na un Boneiru bunita, limpi i seif pa tur hende.
Direktorado di R&O ta gradisí komunidat pa su komprenshon i koperashon. Huntu nos ta traha pa logra un Boneiru bunita i seif.
