Direktorado di Planifikashon i Desaroyo na un sitio sentral nobo

Entidat Públiko Boneiru ta anunsiá ku Direktorado di Planifikashon i Desaroyo (R&O) a muda pa un sitio nobo. Di awor en adelante Direktorado di Planifikashon i Desaroyo ta situá na Kaya Grandi #56-58, den mesun edifisio ku e ofisina nobo di Supervishon i Mantenshon di Lei. Ku e mudansa akí awor tin un solo bali kaminda habitantenan por akudí pa ámbos servisio.

Aunke un otro parti di Planifikashon i Desaroyo lo muda pa un otro sitio mas despues, ta importante pa enfatisá ku e bali sentral pa asuntunan di Planifikashon i Desaroyo ta keda situá na Kaya Grandi #56-58. Esaki ta e sitio kaminda habitantenan por akudí pa pregunta, petishon, i sosten di pèrmit.

E paso akí ta forma parti di un trayekto di mehorashon mas amplio dentro di Planifikashon i Desaroyo, ku ta enfoká riba fortifikashon di servisio na nos komunidat. Pa medio di pone lokalidatnan i funshonnan di bali huntu, nos por yuda habitantenan na un manera mas rápido i mas efisiente.

‘Ku e mudansa akí nos ta pone un paso konkreto den direkshon di servisio mas adekuá i mas aksesibel,’ segun Ligwino Leito, direktor interino di Planifikashon i Desaroyo. ‘Pa medio di pone Planifikashon i Desaroyo i Supervishon i Mantenshon di Lei huntu bou di un solo dak, nos ta hasi e liñanan mas kòrtiku i nos ta sòru ku ta mas fásil pa nos klientenan pa regla nan asuntunan. Nos ta kla pa sirbi komunidat di Boneiru mas mihó posibel.’

Banda di e mudansa físiko, Planifikashon i Desaroyo ta trahando intensivamente tambe riba digitalisashon, suministro di informashon, i komunikashon.

Pa mas informashon, nos ta konsehá públiko pa regularmente bishitá nos wèpsait via www.bonairegov.com. Pa pregunta por manda un imeil na directie_ro@bonairegov.com òf bishitá nos na e bali nobo.