Direktorado di Planifikashon i Desaroyo di Entidat Públiko Boneiru a limpia un dùmp ilegal di shushi na Onima. Na e sitio akí nan a depositá shushi na un manera no outorisá, loke ta dañino pa e bisindario i pa habitabilidat di e área.
Entidat Públiko Boneiru ta sigui komprometé su mes pa hasi i tene Boneiru limpi. Akshonnan di limpiesa manera esaki ta kontribuí na un ambiente di biba mas ordená i ta yuda evitá mas polushon.
Ta prohibí pa dùmp shushi ilegalmente
No ta pèrmití pa dùmp shushi na un manera ilegal. Ta pèrmití pa deshasí di shushi únikamente pa medio di e fasilidatnan di kolektá shushi destiná pa esaki. Laga shushi atras na sitionan ku no ta indiká pa esaki tin konsekuensia negativo pa hende, naturalesa i medio ambiente, i ta sòru pa gastu èkstra pa nos komunidat.
Yamada na komunidat
Entidat Públiko Boneiru ta hasi un yamada na tur habitante pa huntu pèrkurá pa nos Boneiru keda limpi. Pa medio di deshasí di shushi na un manera adekuá i hasi notifikashon di dùmpmentu ilegal, konhuntamente nos por traha pa logra un ambiente habitabel i nèchi pa tur hende.
Por hasi notifikashon di shushi ku hende a dùmp ilegalmente na +599 790-0707. Danki pa boso koperashon i kompromiso pa tene Boneiru limpi.
