Rincon – E trabounan di renobashon na Kaya Commerce a kuminsá. Diputado Kroon a inisiá e trabounan na e kaya prinsipal den Rincon. Despues ku a renobá Kaya Carlos A. Nicolaas den playa, esaki ta bira e siguiente den un kantidat di kayanan, ku den tempu binidero ta keda renobá. E renobashonnan ta parti di e Programa di Kaya (wegenprogramma) ku pa un gran parti ta keda finansiá pa ministerio di Infrastruktura i Medio Ambiente di Hulanda.
Den mei lo kuminsa ku trabounan na Kaya Gramel i Kaya Hermandad. Den yuni ta bùrt na Kaya Neerlandia. Ta trahando riba un plan pa diferente otro kaya.
