Dia 17 di febrüari 2025 e konferensia di trabou “Proyekto Bibienda Pagabel / Woondeal” a tuma lugá. Diputado Anjelica Cicilia a habri e evento i a pone énfasis riba e tarea grandi ku Boneiru tin: konstrukshon di 2100 bibienda pagabel pa pueblo boneriano.
Un tarea grandi i kompleho
Konstrukshon di 2100 bibienda pagabel ta un tarea grandi i kompleho pa Boneiru. Tòg esaki no tin mester di ta un opstrukshon pa realisá e ambishon. Ta desaroyá e bibiendanan den barionan mesklá i den un forma naturalesa inklusivo. Desaroyo di área, manera Kolegio Ehekutivo a proponé, tambe ta forma parti di e plannan.
Buska solushonnan sostenibel huntu
Durante e konferensia mandatarionan, trahadónan di maneho, desaroyadónan, ekspertonan di bien inmóbil i otro interesadonan for di nos komunidat a bini huntu. Nan a interkambiá di idea tokante tópikonan manera konstrukshon di bibienda sosial, sostenibilisashon di bien inmóbil eksistente, posibilidatnan di finansiamentu i formanan di kolaborashon entre partidonan públiko i privá.
Bon kolaborashon ta indispensabel
Diputado Cicilia a suprayá ku e tarea grandi akí por logra solamente ku un bon kolaborashon entre tur esnan enbolbí. El a deseá tur partisipante hopi éksito den e trayekto di kontinuashon.
Atenshon pa habitabilidat i salú
Diputado Den Heyer a uni su mes ku e yamada pa adelantá inkluí fasilidatnan sosial den e plannan pa bario nobo. Habitabilidat i salú di e habitantenan tambe mester hunga un ròl importante den e desaroyo akí. Dentro di poko Entidat Públiko Boneiru ta ranka sali ku e proyekto ‘Health in All Policies’. E proyekto akí lo ta un parti integral di e desaroyonan di bario den e ‘Proyekto Bibienda Pagabel / Woondeal’.
