Entidat Públiko Boneiru ta fortifiká su tim di direktorado ku nombramentu di señora Cherethy Kirindongo komo Direktor di Maneho i Sosten (B&O). Dia 15 di ougùstùs 2025 ofisialmente e ta asumí su funshon nobo.
Durante e lunanan tras di lomba, Entidat Públiko Boneiru a pasa den un proseso kuidadoso di reklutashon i selekshon. Dia 18 di yüli 2025 e trayekto a kondusí na nombramentu di señora Kirindongo, kende ku konvikshon i entusiasmo a keda skohé pa duna guia na Direktorado di Maneho i Sosten.
Señora Kirindongo ta bini ku hopi eksperensia, for di tantu sektor públiko komo sektor privá. Anteriormente el a desempeñá funshonnan ehekutivo na Kámara di Komèrsio Boneiru i Maduro & Curiel’s Bank Bonaire, i el a ehersé ròlnan di supervishon den diferente organisashon sosial. Su ekspertisio den Maneho di Rekurso Humano (HRM), derecho, atministrashon di empresa i finansa ta hasi posibel pa e atendé efektivamente ku problemátikanan kompleho i duna direkshon den un forma stratégiko na fortifikashon di organisashon.
Ku su aserkamentu desididu, analítiko i ku enfoke riba hende, e lo ta un forsa impulsivo tras di profeshonalisashon di e maneho operashonal. Su binida ta nifiká un impulso fuerte pa kalidat, kolaborashon i determinashon den entidat públiko Boneiru.
Sekretario insular Christopher Frans:
“Nos ta sumamente kontentu ku e yegada di Cherethy Kirindongo. Su eksperensia, vishon i enbolbimentu ta konektá perfektamente ku nos ambishonnan. Nos ta spera un kolaborashon inspirativo i fruktífero.’
Pa mas informashon bo por tuma kontakto ku departamento di Komunikashon di entidat públiko Boneiru via communicatie@bonairegov.com.
