Bishita na klas di talento di Kolegio Rayo di Solo

E hóbennan a invitá gezaghèber pa nan presentashon di un modelo di un Parke di Awa. E idea di e hóbennan ta pa habri un parke di awa na Boneiru, pa asina tur mucha ku no tin oportunidat pa bai ku fakansi, tòg por bai un aktividat plasentero na Boneiru mes. E modelo di e parke ta trahá ku material resiklá manera kaha di webu. Den e diseño di e parke di awa e hóbennan a pensa riba fasilidat pa mucha grandi i chikitu i tambe fasilidat pa personanan ku limitashon. Nan a pone tambe un hotèl i un restorant pa bishitantenan por pasa dia. E hóbennan a pensa riba regla pa e parke, siguridat, preis pa entrada i aksesibilidat. Nan ta spera ku den futuro Boneiru por tin un propio parke di awa.