E Canon ta un liña di tempu moderno den kua eventonan importante, hende, lokalidat, edifisio, músika, baile, i historianan di Boneiru ta bini huntu. E proyekto ta parti di e Agènda di Akshon di Pasado di Sklabitut i ta wòrdu ehekutá dor di direktorado Komunidat i Kuido di Entidat Públiko Boneiru.
Direktorado di Planifikashon i Desaroyo a traha riba restourashon di e bakinan di awa i mehorá e aksesibilidat di Fontein. Durante e promé Dia di Canon di Boneiru dia 17 di mei, residentenan lo tin e oportunidat pa eksperensiá e lugá spesial akí pa nan mes.
Enkuentro, kultura i un sentido di komunidat ta tuma e atenshon sentral durante e dia akí. Bishitantenan por partisipá na vários aktividat pa grandi i chikí.
E programa:
- Rekorido di Fontein ku FuHiKuBo | 09:00 – 12:00
- Lùnch konhunto | 12:00 – 13:30
- Tayer di yerba medisinal ku Adelina Piar | 13:30 – 14:00
- Tayer di pigmento natural ku Ghislaine Monte | 14:00 – 14.30 & 15:00 – 15:30
- Tayer di traha habon di klei ku Dorian Crespo Gómez | 14:00 – 14:20, 14:35 – 14:55, 15:10 – 15:30 & 15:40 – 16:00
- Storianan di nos grandinan di Boneiru | 16:00 – 17:00
Ku e programa akí, Entidat Públiko Boneiru tin komo meta pa krea espasio pa konekshon, kompartí konosementu, i kreatividat den e komunidat. Un i tur ta bon biní pa huntu eksperensiá e promé Dia di Canon na Boneiru.
Komo parti di Dia di Canon na Fontein, ta bai tin servisio di bùs grátis pa duna e residentenan e oportunidat pa bishitá e aktividatnan.
Debí na parkeo limitá, bùsnan lo kore bai Fontein spesífikamente pa Dia di Canon. P'esei nos ta pidi públiko kariñosamente pa hasi uso di e liña di bùs spesial akí.
Servisio di bùs:
Promé momento di rekohida:
• Sentro di Bario Tera Kòrá – 08.15
• SKAL – 08:30
Parada na Fontein
• Parokia San Luis Beltran Rincon – 08:50
• SGB (Scholengemeenschap Bonaire) – 08:15
• Sentro di Bario Nort’i Saliña – 08:30
Parada na Fontein
• Parokia San Luis Beltran Rincon – 08:50
Segundo momento di rekohida:
• Sentro di Bario Tera Kòrá – 10.15
• SKAL – 10:30
Parada na Fontein
• Parokia San Luis Beltran Rincon – 10:50
• SGB (Scholengemeenschap Bonaire) – 10:15
• Sentro di Bario Nort’i Saliña – 10:30
Parada na Fontein
• Parokia San Luis Beltran Rincon – 10:50
Ku e servisio di bùs akí, Entidat Públiko Boneiru tin komo meta pa hasi Dia di Canon aksesibel pa mas tantu residente di Boneiru posibel.
Importante
Inskripshon ta nesesario pa partisipá na Boneiru su promé Dia di Canon. Inskribí na tempu via https://portal.bonairegov.com/nl/event/canondag-60/register
Durante Dia di Canon, e aktividatnan, kuminda i bebida ta grátis. Durante e almuerso di komunidat, bishitantenan por disfrutá di un kuminda kayente huntu. Tambe ta parti pasapalu i bebidanan chikitu durante henter dia. Bishitantenan tambe por trese nan mes kuminda i kos di bebe. Por piknik.
Pa disfrutá kompletamente di Fontein i tur su aktividatnan, ta importante pa bisti paña kómodo i bon sapatu.
Wak e orario di bùs i plania bo dia. E orarionan di salida ta wòrdu menshoná den e skema. Sea na e paradanan di salida na ora, ya ku e bùsnan ta kore na ora. E bùsnan pa Kralendijk i Rincon ta kore alrededor di 12:00 (despues di e ekskurshonnan) i alrededor di 17:00 (despues di final di e programa di Dia di Canon).
