Entidat Públiko Boneiru ta invitá tur hende pa durante e feria di trabou De Nationale Carrièrebeurs, pasa bishitá e stèntnan di Entidat Públiko Boneiru (stènt number 30 + 148) den RAI na Amsterdam.
Durante e feria, bishitantenan por sera konosí ku koleganan di Entidat Públiko Boneiru i haña sa mas tokante e diferente posibilidatnan di karera na Boneiru. Tambe nos empleadonan ta duna un bista tokante kon ta pa traha pa un organisashon ku ta komprometé su mes pa komunidat, sostenibilidat i futuro di nos isla.
Sitio: Rai Amsterdam
Fecha: Djabièrnè 24 di mei i djasabra 25 di mei 2026
Orario: 09:30 - 17:30 or
Stènt 30: 'Nationaal Juristencongres'
Stènt 148: 'Werken in de Caribbean'
Sigui nos medionan sosial pa mas aktualisashon tokante nos partisipashon. Pa mas informashon i pa wak tur e vakaturanan ku tin habrí, bishitá nos wèpsait na https://bonairegov.com/bestuur-organisatie/vacatures.
#AmiTaTrahaPaBoneiru
