Na kaminda pa Dia di Boneiru gezaghèber, e tres diputadonan i sekretario insular na kuminsamentu di e siman akí a bishitá tur skol na Boneiru. Huntu ku SKAL nan a para ketu ku e alumnonan na nifikashon di nos bandera, nos himno i Eskudo di Boneiru.
E mandatarionan a keda repartí atraves di e diferente skolnan. Huntu ku e muchanan, nan a hisa bandera i kanta himno di Boneiru. Algun skol a prepará un programa spesial. E alumnonan a kanta i duna presentashon. Tambe e muchanan a haña un plachi pa klùr di bandera di Boneiru.
Pa algun di e gobernantenan e bishita tabata èkstra spesial. Nan a regresá e skol kaminda ántes nan mes tabata alumno. Di e manera ei nan por a kompartí nan propio rekuerdonan ku un generashon nobo.
Pasa orguyo i rèspèt
Ku e bishitanan na skol, Entidat Públiko Boneiru ke hasi e muchanan konsiente di nifikashon di Dia di Boneiru. Nan ta siña tambe dikon nos ta trata nos símbolonan nashonal ku orguyo i rèspèt.
E mensahe pa e alumnonan tabata bon kla: wak nos bandera ku orguyo, kanta nos himno ku rèspèt i semper karga balor di Boneiru den bo kurason. Di e manera akí huntu nos ta protehá nos isla, nos identidat i nos futuro.
