Pa motibu ku un persona na bordo mester a haña kuido médiko urgente e barku krusero Explorer of the Seas a regresá Boneiru djabièrnè anochi. E persona su situashon tabata asina grave ku e mester a hib'e tera pa haña tratamentu urgente. Un ambulans a busk’e na Pir Nort i transporte pa hospital Fundashon Mariadal. E persona ku a bira malu ta un miembro di e tripulashon. Despues ku a baha e persona na Boneiru e barku di Royal Caribbean Group a sigui rumbo pa San Juan, Puerto Rico.
Barku krusero a regresá Boneiru pa baha un persona ku a bira malu
Kompartí riba
