Entidat públiko Boneiru ta anunsiá ku tin intenshon pa otorgá 65 parsela di tereno di gobièrnu na siudadanonan di Boneiru. E akshon aki ta di akuerdo ku e veredikto di Korte Supremo den e kaso Didam di 26 di novèmber 2021. Segun e desishon akí, instansianan gubernamental mester anunsiá públikamente nan plannan pa distribushon di bien inmóbil i sigui mantené un prosedimentu di selekshon hustu.
E parselanan ku ta den e plan di otorgá ta situá na Rincon i Kralendijk. E parselanan di tereno akí c.q. tereno di èrfpagt, ta únikamente pa bibienda, segun stipulá den e Plan di Desaroyo Teritorial Boneiru (Ruimtelijk Ontwikkelingsplan Bonaire – ROB). Riba wèpsait di entidat públiko Boneiru (www.bonairegov.com) por mira e parselanan ku ta disponibel huntu ku un mapa di tereno.
Prosedimentu di selekshon - E kandidatonan intenshoná pa otorgamentu di e parselanan di tereno di gobièrnu na èrfpagt ta esnan ku tin e numbernan 1 te ku 65 riba e lista di espera. Ta trata di e lista pa konstrukshon di bibienda ku fecha di entrega di nan petishon ku fecha for di 13 di ougùstùs 2004 te 11 di aprel 2011. E prosedementu ta tuma lugá pa medio di tiramentu di lòt den presensia di un notario. No ta posibel pa indiká preferensia pa un tereno spesífiko promé ku e tiramentu di lòt tuma lugá.
Opheshon i término di reakshon - No por entregá ni instituí ningun punto di bista, ni opheshon, ni apelashon den sentido di e Lei di Derecho Atministrativo BES (warBES) kontra e traspaso proponé. Si bo ta di opinion ku bo tambe mester bini na remarke pa emishon di e tereno akí òf bo no por bai di akuerdo ku e intenshon akí, bo mester hasi esaki konosí denter di un periodo di 20 dia kalendario despues di e publikashon, entamando un kaso sumario serka Korte di Promé Instansia. Banda di esaki bo tin ku manda un kopia digital di e sitashon na directie_ro@bonairegov.com. Por fabor indiká riba esaki e number di referensia i título di e publikashon.
Pa mas informashon òf komentario, por tuma kontakto ku e Direktorado di Espasio i Desaroyo via directie_ro@bonairegov.com.
Ku e publikashon akí, entidat públiko Boneiru ta duna ehekushon na e veredikto di Korte Supremo (Hoge Raad) di 26 di novèmber 2021 (ECLI:NL:HR:2021:1778) i e veredikto di 15 di novèmber 2024 (ECLI:HR:2024:1661).
