Entidat públiko Boneiru tin intenshon pa pone un parsela di tereno di gobièrnu na disposishon di Frans Paradise N.V. c.q. hür esaki ku Frans Paradise N.V. E parsela lo ta den uso komo un skol di windsurf. E parsela ku ta bai pone na hür ya pa algun aña kaba ta den uso serka Frans Paradise. For di e lokalidat akí e ta hasi su operashon komersial (skol di windsurf). Dia 3 di sèptèmber 2024 Kolegio Ehekutivo a otorgá un pèrmit di naturalesa pa den forma komersial eksplotá un skol di windsurf (duna lès i hür material) i pa konstrukshon di e edifisionan korespondiente na Sorobon. Den kuadro di e petishon pa pèrmit di naturalesa a formulá un MER.
Entidat públiko Boneiru ta konsiderá ku tin sufisiente motibu presente pa bai over na emishon di e parsela ku a pidi pa hür na Frans Paradise. Mas aleu entidat públiko Boneiru ta di opinion ku no tin mester di ofresé e espasio pa kompetensia pa medio di un prosedura di selekshon, deskribí den e aresto Didam, pa motibu ku a base di e echo ku ya kaba e otorgá un pèrmit di naturalesa, solamente e kandidato aktual ta bini na remarke pa e emishon. Banda di esaki ya kaba tin vários otro skol di windsurf establesé den e bisindario direkto i te asina leu ku ta konosí niun otro hende no a entregá un petishon pa e parsela pa kua tin intenshon di emishon.
Reklamo i término di reakshon - No por entregá ni instituí ningun punto di bista, ni opheshon, ni apelashon den sentido di e Lei di Derecho Atministrativo BES (warBES) kontra e traspaso proponé. Si bo ta di opinion ku bo tambe mester bini na remarke pa emishon di e tereno akí òf bo no por bai di akuerdo ku e intenshon akí, bo mester hasi esaki konosí denter di un periodo di 20 dia kalendario despues di e publikashon, pa medio di entamá un kaso sumario serka Korte di Promé Instansia. Tambe bo tin ku manda un kopia digital di e dagfar na directie_ro@bonairegov.com. Por fabor indiká riba esaki e number di referensia i título di e publikashon.
Mas informashon
Pa mas informashon òf komentario, por tuma kontakto ku e Direktorado di Espasio i Desaroyo via directie_ro@bonairegov.com.
Ku e publikashon aki, entidat públiko Boneiru ta duna ehekushon na e veredikto di Korte Supremo (Hoge Raad) di 26 di novèmber 2021 (ECLI:NL:HR:2021:1778) i e veredikto di 15 di novèmber 2024 (ECLI:HR:2024:1661).
