Djárason 29 di yüli 2026 tin e evento Anochi ku Luna Yen di 19:00 or – 21:00 or na SKAL (Sekshon di Kultura, Arte i Literatura) na Playa, ku e tema ‘Habrí’.
Anochi ku Luna Yen ta un evento ku entre otro deklamashon di poesia i kontamentu di kuenta den lus di luna. Ta un evento sosial di pueblo i pa pueblo, pues un i tur ta kordialmente bonbiní. Ta un di e aktividatnan ku SKAL tin den su agènda kultural.
Bishitantenan di Anochi ku Luna Yen ku mester di transporte, por hasi uso di un bùs. E bùs akí ta sali 18:00 or for di Rincon pariba di misa pa sigui despues pa SKAL.Ta pidi tur esnan ku ke hasi uso di e servisio di bùs, pa reservá na tempu na SKAL òf yama +599 715 5323. Asina nos por sa kuantu hende mester di transporte.
No balotá bo talento i bin demostrá ku bo por. Nos ta apresiá i respetá tur presentashon pero tin sierto regla sí. Nos no ta tolerá palabra bulgar, politikeria, atake personal i tur otro kos ku no ta kuadra ku meta di e evento.
Anochi ku Luna Yen ta un inisiativa ku a nase den pasado for di algun siudadano ku gran pashon pa nos idioma papiamentu. SKAL ta keda pone énfasis ku meta prinsipal di e evento ta pa stimulá otro pa skirbi, deklamá, konta kuenta, kanta òf presentá obranan kòrtiku na papiamentu.
Organisashon ta sòru pa algu di boka dushi i ko’i bebe pa e públiko.
Pa mas informashon tokante e evento Anochi ku Luna Yen por tuma kontakto ku Magaly Sumter +599 5650947, Orlando Francisca +599 7862131, Chon Theodora +599 7773829 òf Ulbaldo Anthony +599 9 5649081.
