Djabièrnè 28 di ougùstùs 2026 e evento ‘Anochi ku Luna Yen’ ta tuma lugá di 19:00 - 21:00 na Hòfi Bon Ambiente, ku e tema ‘Ambiente bon, na Hòfi bon Ambiente’. Glenda Bernabela ta anfitrion di e edishon akí.
‘Anochi ku Luna Yen’ ta un evento ku entre otro deklamashon di poesia i kontamentu di kuenta bou di luna kla. Ta un evento sosial di i pa pueblo, pues tur hende ta bonbiní. Ta un di e aktividatnan ku SKAL tin riba su agènda kultural.
Bishitantenan ku no tin transporte, por hasi uso di un bùs. Ta pidi tur hende ku ke hasi uso di e bùs pa ta presente 18:00 na SKAL òf na e misa di Rincon.
Pa yega Hòfi Bon Ambiente, tin ku kore via Kaminda Lagun te na e bòrchi di Jellastone/Hòfi Bon Ambiente. Aki ta bira na man robes riba un kaminda di tera i sigui kore stet te na entrada.
Tur presentashon ta bonbiní i apresiá. E organisashon ta pidi bishitantenan pa tene kuenta ku meta i ambiente di e evento. No ta pèrmití idioma vulgar, ekspreshon polítiko, atake personal i otro asuntunan ku no ta pas.
Manera semper tur bishitante ku ke hasi esaki por hiba algu dushi pa kompartí ku otro.
‘Anochi ku Luna Yen’ a surgi for di amor i pashon di habitantenan pa papiamentu. SKAL ta sostené e inisiativa akí i ta ofresé espasio na hendenan pa kompartí nan amor pa idioma i nan talento. Ta enkurashá tur hende pa skirbi na papiamentu, deklamá poema, konta storia, kanta òf presentá un skèch kòrtiku.
Pa mas informashon tokante e evento 'Anochi ku Luna Yen' por tuma kontakto ku Magaly Sumter +599 5650947, Orlando Francisca +599 7862131, Chon Theodora +599 7773829 òf Ulbaldo Anthony +599 9 5649081.
