Kralendijk - Entidat Públiko Boneiru (EPB) ta duna sosten na empleadonan (ku a haña retiro) i empresarionan ku pa motibu di e krísis di corona a haña nan mes den problema. E areglo ta konta tambe pa empleadonan ku a haña retiro. Usando e areglo por haña un rekompensa.
Pa motibu di e krísis di corona kasnan di famia ta konfrontá un kaida imprevisibel, inevitabel i repentino di nan entrada. Debí na esaki e kasnan di famia aki por haña nan mes den problema ku pago di e gastunan nesesario di kas: hür of hipotek, kuenta di awa i koriente i internèt. No tur ora e medidanan aktual di sosten por solushoná e problemanan aki. ‘Alivio’ ta ofresé un alivio pa e gastunan berdadero i nesesario di un kas di famia. E no ta un areglo ku ta duna sosten di entrada.
E areglo aki ta konta pa 3 luna, ku forsa retroaktivo di 1 di yanüari 2021 te ku 31 di mart 2021. Pa e gastunan nesesario di kas, parsialmente òf pa henter e periodo di ‘Alivio’ por duna un kompensashon. Pa hasi uso di e areglo di Alivio tin ku yena e formulario riba e wèpsait di Entidat Públiko Boneiru (EPB).
