Dia 18 di òktober Kolegio Ehekutivo di entidat públiko Boneiru a aprobá e pre-diseño pa aktualisashon di e Plan di Desaroyo Teritorial (Ruimtelijk Ontwikkelingsplan – R.O.B.). E revishon ta enfoká riba konstrukshon di bibienda, turismo sostenibel i kresementu ekonómiko, i ta bai deliberá tokante esaki durante un enkuentro pa interesadonan dia 24 i 25 di òktober na direktorado di Planifikashon i Desaroyo na Kaya Amsterdam 23.
Kiko ta kambia?
1. Nos ta konstruí mas i mihó: Mas bibienda ku fasilidatnan ekselente den bisindario.
2. Turismo – kalidat ta bin promé ku kantidat: Nos ta enfoká riba turismo di balor haltu.
3. Kresementu ekonómiko: Aksesibel pa diferente sektor ekonómiko, inkluso agrikultura.
4. Infrastruktura inteligente: Plan nobo mester pas serka loke tin kaba, manera kaminda i edifisio.
5. Kultura i naturalesa: Sòru pa nos bunita naturalesa i kultura keda eksistí.
Bin papia ku nos: Enkuentro pa tur interesado dia 24 i 25 di òktober
E tópiko akí tin bo atenshon? Registrá pa e enkuentro pa tur interesado dia 24 di òktober di 10.00 or – 12.00 or i dia 25 di òktober di 16.00 or – 19.00 or via rob@bonairegov.com. Akí bo por hasi pregunta i kompartí bo opinion, ku nos lo tene kuenta kuné na momentu di finalisashon di e diseño.
For di djabièrnè 20 di òktober te ku djabièrnè 3 di novèmber bo por tira bista den e pre-diseño na bali di Kaya Amsterdam 23, òf online via www.bonaire-ro.nl. Bo por manda bo preguntanan i remarkenan via email na rob@bonairegov.com.
