Sekshon Kultura Arte i Literatura (SKAL) ya pa dos aña konsekutivo ta organisá un aktividat virtual pa pueblo boneriano. Esaki den kuadro di e echo ku nos ta den un temporada difísil kaminda no por organisá e tipo di enkuentronan públiko akí pa por gosa manera tabata kustumber. Pa e motibu akí SKAL ta organisá un aktividat virtual, kaminda diferente grupo musikal ta bai deleitá pueblo boneriano na kas.
E aktividat virtual akí ta tuma lugá riba djabièrnè 3, 10, 17 i 23 di desèmber próksimo. Por sigui e aktividat virtual riba kanal di youtube di Openbaar Lichaam Bonaire, riba kanal 24 di Nos TV i tambe e lo keda transmití riba página di facebook di Nos TV.
SKAL ta invitá pueblo boneriano kompleto pa sigui e transmishon di “Ora kontentu for di mi balkon”.
Aktividat virtual “Ora kontentu for di mi balkon”.
Kompartí riba
