Esaki komo parti di e aktividatnan di Buki di Prèt pa e aña akí. Biblioteka no solamente ta ofresé un surtido grandi di buki di kuenta di ada, pero spesialmente pa mucha entre 7 i 11 aña vários aktividat lo tuma lugá den luna di yüli. E aktividatnan ta riba djárason 13 i 20 di yüli for di 14:30 te 16:30 i riba djárason 27 di yüli for di 09:00 te 11:00 i for di 14:30 te 16:30. Riba e dianan akí nan ta ofresé aktividat di obra di man i kompetensia di klùr, pero por traha pùzel tambe, solushoná charada, traha diorama (kijkdoos) i hopi mas!
Ta konektá e diferente aktividatnan na un kuenta di ada, manera por ehèmpel Sneeuwwitje, Roodkapje, Hans & Grietje òf De Kleine Zeemeermin. Ora ku e muchanan partisipá na e diferente aktividatnan, esaki ta stimulá nan kapasidat di pensa, nan abilidat di lesa i e ta stimulá nan tambe pa papia tokante buki. Tambe e muchanan ta desaroyá nan mes mas leu riba tereno di kreatividat i ekspreshon na momentu ku den forma di wega nan ta disfrutá di e mundu di kuenta di ada.
Bo tin interes, bo ke mèldu bo mes òf bo ke sa mas? Yama 715 – 5344 pa drenta den kontakto ku un empleado di biblioteka. Tur mucha ta bon biní, muchanan ku no ta miembro di biblioteka tambe. Despues di e aktividat bo ke pa bo yu bira miembro di biblioteka? Esei ta posibel! Te 18 aña miembresia ta grátis na biblioteka.
