E outoridat hulandes pa kùrmentu di kuminda i produkto (Nederlandse Voedsel en Warenkeuring – NVWA) i Coca Cola Europacific Partners Hulanda ta atvertí hendenan pa bebementu di e bebidanan Coca Cola, Fanta Cassis, Fuze Tea, Hawai Tropical i Minute Maid. E produktonan akí ta kontené muchu hopi klorato.
Na Boneiru no a topa ku kos di bebe kontaminá. E inspektornan di departamento di Supervishon i Mantenshon di Lei den lokaborashon ku departamento di Salubridat Públiko a bishitá tur supermarket i importadó na Boneiru i nan no a topa ku e produktonan akí.
Klorato ta un supstansia ku por surgi ora ta hasi uso di produktonan pa desinfektá ku ta kontené kloro, loke ta pasa hopi den fábrikanan. Pa e motibu akí hopi tipo di alimento ta kontené klorato den kantidatnan chikitu, por ehèmpel pasobra nan no ta spula tur kos bon despues di hasi limpiesa.
Den kantidatnan chikitu e supstansia no ta dañino pa salú. Kuantu klorato tin eksaktamente den e blekinan i bòternan, no ta konosí, pero segun Coca Cola e riesgo pa konsumidó ta hopi abou.
Bo ke sa di kua produkto ta trata eksaktamente, wak e ora ei riba wèpsait di Nederlandse Voedsel en Warenkeuring (NVWA). Home | NVWA
