Bula leu, tira bala, sprent 60 i 80 meter i distansia largu di 400 meter. Tur esakinan a tuma lugá den un torneo ku Indebon a organisá. Bishitantenan di akohida despues di skol di ocho skol a partisipá den e torneo. E akohidanan despues di skol ku a partisipá ta Noah, Bright Future, San Bernardo, Play Learn and Grow Togetter, Universo esaki ta parti den Rayo di Solo i Strea Briante, por último Kolegio Kristu Bon Wardador. E torneo tabata partí den dos kategoria, kategoria A ta di shete te ku nuebe aña, i kategoria B ta di dies pa diesdos aña. Indebon ta yama un danki na tur hóben i lidernan di deporte ku a partisipá. E torneo tabata un éksito. Indebon ta partisipá ku dentro di poko e akohidanan despues di skol lo risibí e resultado final di e kompetensia i e akohida ganador lo risibí su premio.
