Despues di un anochi di ambiente ku Luis Moka den luna di yüli, kaminda públiko i artistanan a krea un eksperensia inolvidabel, SKAL ta sigui ku e meta pa fortalesé e ret musikal di nos isla.
A posponé e Jam Session ku tabata programa pa ougùstùs. Awor e ta tuma lugá día 1 di sèptèmber 2025. Debí na diferente faktor manera temporada di fakansi i di algun spesialista den género Urbano ku tabata ousente – SKAL a skohe pa duna mas tempu pa prepará un edishon spesial Urbano.
E Jam Session di 1 di sèptèmber ta tuma lugá den kuadro di Dia di Boneiru i lo tin un tema spesial: “Piesanan di Ántes i Awor” – un bishita musikal den piesanan di ayera i awe ku ta konta i reflehá nos dushi isla Boneiru. Ta spera un anochi kaminda tradishon i renovashon ta topa, ku rekuerdonan musikal ku ta zona ketu bai den aktualidat i kon ta konektá nan ku futuro.
Nos ta invitá tur hende pa forma parti di e edishon spesial aki i bin gosa di músika ku a hasi un impakto grandi riba Boneiru den pasado i awor.
Reservá e fecha, lugá ta limitá!
Registrashon ta obligatorio.
