Den awanan di Sorobon, Lac i Lagun resientemente a deskubrí mancha di petroleo, prosedente di un barku den laman pegá ku Tobago. E polushon akí ta forma un menasa serio pa tantu hende komo naturalesa na Boneiru, entre otro e ekosistemanan vulnerabel, manera palu di mangel, piská i koral.
Ofisina di Haf, den kolaborashon ku STINAPA i otro dunadónan di ayudo, ya pa algun dia kaba tabata hasiendo vários preparashon i tumando diferente medida. Apesar di e preparashonnan aki, e petroleo a yega nos kosta, nan ta trahando duru pa den un forma rápido i efektivo rùim òp e manchanan di petroleo.
Mirando urgensia di e situashon, ku insistensia nos ta konsehá tur bishitante pa evitá e sitionan kontaminá. E konseho akí ta esensial pa brinda e dunadónan di ayudo sufisiente espasio pa por hasi nan trabou.
