Durante e simannan tras di lomba a traha duru pa hasi trabounan di mantenshon na dos kaminda prinsipal: Kaya International i EEG Boulevard, na altura di e krusada ku Kaya Pos Watapana.
Na Kaya International durante di dos siman a kambia e kapa mas ariba di asfalt i a marka e kaminda. Pa motibu di siguridat i pa efisiensia a hasi e trabounan den oranan di anochi i mardugá i e trabou a keda kompleta segun skema. Esaki a sòru pa minimalisá e molèster.
E krusada di EEG Boulevard i Kaya Pos Watapana tabata den mal estado i tabata kousa molèster na momentu di yobida. A remplasá e kapa mas ariba di asfalt ku klenku i a atendé ku e desagwe.
Awor ku a finalisá e trabounan di mantenshon aki ku éksito, e kamindanan ta mas seif i mihó aksesibel pa tur usuario di kaminda.
