Por inskribí pa un stènt pa Dia di Boneiru 2023. Pa inskribí mester pasa personalmente na ofisina di SKAL na Kaya E.C. Craane na Playa Pabou òf tambe por yena e formulario di inskripshon online via www.bonairegov.com. Inskripshon ta sera 30 di ougùstùs 2023.
E aña aki e parti kultural di Dia di Boneiru ta tuma lugá dilanti parkeerplaats di ofisina di Kolegio Ehekutivo. Manera tur aña personanan ku ta interesá por bini na remarke pa un stènt pa bende kos durante e selebrashon. Ta trata aki di stènt pa bende kuminda, snèk, bar, artesania, “bon ku n’é”, weganan pa mucha i hopi mas.
Organisashon i personanan establesé na Boneiru tin preferensha pa bini na remarke pa un stènt. E pago mester tuma lugá na ofisina di Registro Sivil na Kaya Nerlandia 40, riba kuenta di “Volksfeesten” Despues di a paga mester presentá bèk ku e komprobante di pago na SKAL, pa risibí aprobashon di petishon korespondiente. Último dia pa presentá komprobante di pago ta 30 di ougùstùs 2023. Den kaso di kanselashon di hür di stènt, e hürdó no ta risibí sèn bèk. Pa mas informashon por yama SKAL via 715 5323.
