21 di sèptèmber dia mundial Alzheimer

Rònt mundu luna di sèptèmber ta e luna pa dediká atenshon na Alzheimer. Dia 21 di sèptèmber, Dia Mundial di Alzheimer, nos komo miembro di famia, kuidadó informal, konosí, bisiña òf amigu ta para ketu na demensia – un kondishon ku por afektá nos tur.

E aña akí tambe Fundashon Alzheimer Boneiru (FAB) durante e luna akí i riba e dia akí ta pidi atenshon spesial pa Alzheimer i pa otro formanan di demensia.

E tema di e aña akí ta ‘Puntra tokante demensia – Puntra tokante Alzheimer’. Mas tantu nos puntra, mas tantu nos ta haña sa – i mas mihó nos por sòru huntu pa komprenshon i sosten.

Na luna di sèptèmber FAB a organisá un seri di aktividat pa hasi demensia visibel i pa stimulá enkuentro den nos komunidat.

Entidat públiko Boneiru ta haña importante pa kompartí konosementu tokante demensia  pa nos komo komo komunidat nos  duna hende ku demensia i nan sernan kerí un lugá kaminda nan ta sinti nan mes mirá i sostené.

Tur hende por aportá, huntu nos ta hasi e diferensia.

Demensia ta un reto ku nos ta karga huntu. Pa medio di partisipá, pa medio di ta presente òf simpelmente pa medio di drenta den kòmbersashon, tur hende por aportá na mas komprenshon, mas konektividat i mas sosten pa hende ku demensia i nan alrededor.

Partisipá!

EPB  ta invitá tur habitante di Boneiru pa dia 21 di sèptèmber para ketu na kiko ke men  pa biba ku demensia. Pasa un ratu, hasi bo preguntanan, skucha, topa, partisipá i mustra ku niun hende no ta nan so den esaki.

Djaluna 22 di sèptèmber FAB lo entregá su infome anual 2024 na diputado Peter Silberie.

Informashon práktiko

Pa mas informashon tokante e aktividatnan i e sitionan wak riba website di FAB òf página di FAB riba Facebook