Presentation: Proteha Mi
Resultado nobo di investigashon genétiko (ancient DNA) di Boneiru su poblashon indígena di parti di Harvard.
Na momentu di ampliashon di e edifisio di skol di Scholengemeenschap Bonaire (SGB), Archol a ehekutá un investigashon arkeólogo riba eskala grandi na e sitio na Amboina. Nan a topa ku restu di vários maloka (kas) i deramentu den, rònt i bou di vlur di e anterior bibiendanan akí di e poblashon indígena di Boneiru, e Caquetionan.
Bou di guia di dr. Kendra Sirak, Harvard University a ehekutá un investigashon genétiko (ancient DNA) di restunan humano na e sitio. Investigashon genétiko (ancient DNA) por ofresé konosementu nobo tokante e habitantenan indígena di Boneiru, manera informashon tokante migrashon i desendensia, relashonnan familiar den e komunidat di Caquetio, salú i posibel malesanan, i asta aspektonan di anterior patronchinan di alimentashon.
Dia 6 di yüni pa promé biaha dr. Kendra Sirak ta kompartí e konklushonnan nobo akí!
Registrashon
