Protehá Mi: Tayer di ‘3D-modeling’ Arkeologia i presentashon di resultado LiDAR Fontein
Algun di e sitionan arkeológiko na Boneiru no ta konosí ainda. Usando LiDAR, un teknologia basá riba laser pa mapa un ambiente espasialmente, un eksplorashon detayá lo wòrdu kondusí kantu di e baranka vertikal di 60 meter altu di Fontein. Refugionan di baranka, kuebanan, i otro karakterístikanan geológiko i arkeológiko lo wòrdu poné riba mapa riba henter e largura di e baranka.
E dokumentashon di e lokalidat aki por duna bista nobo balioso riba e bida, kustumbernan, i sosiedat di tantu e promé habitantenan komo e generashonnan despues na Boneiru. E komunidat lo risibí un presentashon di Jitte Waagen (4D-Lab i Universidat di Amsterdam) riba kiko eksaktamente LiDAR ta enserá i ki resultado e teknologia akí a duna.
Un tayer di arkeologia 3D tambe lo tuma lugá e dia ei, kaminda ekspertonan di modelahe 3D lo splika kon e grabashonnan di baranka na Fontein por wòrdu dokumentá digitalmente usando fotogrametria.
E proyekto akí ta forma parti di Dianan di Arkeologia Boneiru i Dianan Nashonal di Arkeologia.
