Formulario pa kambio di informashon

Kondishonnan

1. E hende ku ta pidi e yudansa mester ta inskribí sinku aña tras di otro na Asuntu Sivil.
   Tin 2 eksepshon:
   • Bo ta inskribí pa ménos ku 5 aña, pa motibu ku temporalmente bo tabata biba pafó di Boneiru. Bo a regresá dentro di 5 aña despues di bo salida. 
   • Bo ta inskribí pa ménos ku 5 aña, pa motibu ku bo tabata studia pafó di Boneiru. Bo a regresá dentro di 5 aña despues ku bo a kaba studia.  
     
     Pa tur dos eksepshon ta konta ku promé ku bo salida, bo tabata inskribí pa mas ku 5 aña sin interupshon na Boneiru.
      
2. Tin regla pa e montante di e entrada nèto di e hende ku ta pidi e yudansa i e adultonan ku ta biba den kas kuné. Por wak e reglanan riba wèpsait https://bonairegov.com/pa/habitante/ayudo-pa-koriente/voorwaarden
3. E persona ku ta pidi e yudansa, no tin mag di tin mas ku un sierto suma di sèn di spar. Pa un hende soltero sin yu e montante ta $5.509. Pa un persona ku ta bibá ku mas hende den un kas, esaki ta $11.017.

E dokumentunan akí bo tin mester:

Di e otro personanan adulto (18+) den bo kas tambe.

1. Sédula
2. Resibu di bo kuenta di koriente di WEB. Si bo tin Pagabon, bo último bòn di Pagabon.
3. Prueba di entrada
   • Slep di salario di e último 3 lunanan;
   • Si bo tin entrada for di bo propio kompania: Prueba di inskripshon na Kámara di Komèrsio i e estadonan di kuenta di banko di e kompania di e último 3 lunanan;
   • Si bo tin entrada for di kuementu di djòp / penshun di behes / AOV / penshun partikulir (penshun di kompania): estado di kuenta di banko di e último 3 lunanan;
   • Si bo tin ònderstant: Karta di e Unidat di SZW i estado di banko di e último 3 lunanan;
   • Si bo tin entrada for di hürmentu di un bibienda propio: kòntrakt di hür i estado di kuenta di banko di e último 3 lunanan;
   • Si bo ta risibí alimentashon di partner: Estado di kuenta di banko di e último 3 lunanan;
   • Otro pagonan: Estado di kuenta di banko di e último 3 lunanan.
4. Pa personanan ku ta hasi petishon ku tin yu: Buki di Famia, prueba di nasementu òf un otro dokumentu ku ta mustra e relashon di famia.
5. Si bo ta hür un kas: e kòntrakt di hür firmá.
6. Si bo tin sèn èkstra propio, manera sèn di spar: estado di kuenta di banko di e último 3 lunanan, di e kuenta di spar tambe.

Paga tinu: tin ora nan ta pidi dokumentu èkstra ku no ta den e lista akí.

Gastunan:

Pa kambia bo informashon no tin gastu.