Nòmber di kaya i number di kas

Bo tin un parsela pa kua no tin un adrès kla ainda? E ora ei bo por hasi petishon pa esaki na entidat públiko Boneiru.

Deskripshon

Ku e petishon akí bo ta pidi un nòmber di kaya i number di kas ofisial pa:

  • un parsela ku ya kaba tin un edifisio / konstrukshon riba dje, òf
  • un parsela bashí (no tin nada riba dje ainda, pero bo ke laga fiha un adrès p’e kaba).

Kolegio Ehekutivo ta outorisá pa otorgá nòmber di kaya i stipulá number di kas

Bo por hasi e petishon ora ku:

  • bo tin sierto interes ku e parsela (por ehèmpel doño òf hürdó), i

  • bo ta yena e petishon kompletamente, i

  • bo ta manda e aneksonan obligatorio huntu ku e petishon (ID + dokumentu di prueba).

Sigui e siguiente instrukshon:

  • Yena e formulario:

    • Nòmber djadilanti i fam

    • Number di telefòn i emailadrès

     

  • Yena e informashonnan di adrès:

    • Adrès aktual (manera e ta na registro sivil)

    • Futuro adrès / lokalidat (pa kua bo ta hasi petishon pa nòmber di kaya i number di kas)

  • Añadí e aneksonan:

    • Anekso A: kopia di prueba di identidat bálido

    • Anekso B: un di e dokumentunan akí: akta, akuerdo di hür, òf inspekshon/ekstrakto di Kadaster

  • Entregá e formulario (digitalmente via e formulario elektróniko òf físikamente na bali di Planifikashon i Desaroyo - R&O).

  • Bo ta haña un mensahe tokante e evaluashon i e desishon

Pa pregunta bo por tuma kontakto ku e Sentro di Kontakto ku Kliente di Entidat Públiko Boneiru:

  • Number di informashon: +599 715 5330 (djaluna – djabièrnè 08:00–12:00, djaluna - djabièrnè 14:00–17:00, djabièrnè 08:00–12:00, djabièrnè 14:00–16:30).

  • E-mail: info@bonairegov.com
  • WhatsApp: +5997155330

  • Bo por hasi uso tambe di e chat via e wèpsait.

  • Bo ta risibí un reakshon despues ku a evaluá bo petishon. E kantidat di tempu eksakto pa e tratamentu por diferensiá (por ehèmpel debí na evaluashon adishonal).

  • Ora ku Kolegio Ehekutivo otorgá un number di kas, mayoria biaha bo tin ku pega e plachi ku e number dentro di 4 siman despues ku bo a haña notifikashon, a ménos ku a disidí otro.

No tin gastu mará na e petishon akí.

Bo no ta di akuerdo ku e desishon? E ora ei bo por:

  • Entregá opheshon. En prinsipio esaki mester tuma lugá dentro di 6 siman despues di e dia ku a duna e desishon.

  • Despues di esei Kolegio Ehekutivo ta disidí pa mas tardá dentro di 4 luna riba e opheshon (ku un posibel prolongashon konforme lei).

Ora bo hasi un petishon òf notifikashon, entidat públiko Boneiru tin mester di bo datonan personal. Entidat públiko Boneiru ta anda kuidadosamente ku bo datonan.

Den e Lei di protekshon di dato personal BES (Wet bescherming persoonsgegevens BES) tin pará kon entidat públiko Boneiru tin ku hasi esaki.

E reglanan mas importante ta:

  • Entidat públiko Boneiru ta pidi solamente informashon ku ta nesesario pa tratamentu di bo petishon òf notifikashon.
  • Nan ta registrá i prosesá bo datonan na un manera seif, konfidensial i kuidadoso.
  • Ta usa bo datonan solamente pa e petishon òf e notifikashon, òf algu ku tin direktamente di haber ku esei.
  • No ta warda bo datonan mas tantu tempu ku ta nesesario pa e petishon òf notifikashon.
  • Otro organisashonnan ta haña bo datonan solamente si segun lei esaki mester tuma lugá.
  • Bo tin mag di puntra pa kiko nan ta usa bo datonan i kiko ta pasa ku nan