Apresiabel hasidó di petishon pa pèrmit di konstrukshon,

Pa medio di esaki mi ta informá bo tokante nos proseso pa abo komo esun ku ta hasi petishon, por entregá un petishon ofisialmente.

Kiko bo tin mester?

Bo ta entregá un petishon ku ta konsistí di:

  1. Un formulario pa hasi petishon pa pèrmit di konstrukshon ku ta yená kompletamente digitalmente: https://www.burgerberichten.nl/OpenbaarLichaamBonaire/formulieren/d634da25-04b5-411d-96b6-e3d7e7d6d621/Aanvraagformulier-Bouwvergunning/questions
  2. Akta di parsela ÒF inspekshon por eskrito
  3. Pintura di spesifikashon di plan (bestektekening) formato A1

Bo ke mas informashon?

Manda bo preguntanan via email na: bouwvergunning@bonairegov.com

Paso 1 – Preregistrashon

Ta entregá e petishon online via e lenk riba e página anterior. Akí bo ta yena e formulario pa hasi petishon i bo ta upload e dokumentunan nesesario.

Paso 2 - Redaktá nota di leges (retribushon)

E dunadó di pèrmit di konstrukshon ta kontrolá e informashonnan i ta inspektá e pintura di konstrukshon den liñanan grandi i ta evaluá si e ta kompleto, destinashon ROB, siguridat  di konstrukshon etc. Si ainda mester di informashon adishonal, ta pidi e kliente pa prosesá e informashonnan adishonal akí den e plan di konstrukshon.

E ora ei e persona ku a hasi petishon ta haña un nota di leges redaktá pa paga e leges di konstrukshon. Ku esaki e persona ku a hasi petishon ta paga e leges.

 

Paso 3 - Entrega di dokumentu

E persona ku a hasi petishon ta entregá su petishon pa pèrmit di konstrukshon ofisialmente na Direktorado di Planifikashon i Desaroyo, departamento di Realisashon na Kaya Amsterdam # 23. E persona ku a hasi petishon mester entregá e siguiente dokumentunan na bali.

  • 1x formulario pa hasi petishon kompletamente yená, firmá pa e persona ku a hasi petishon
  • 1x akta di parsela òf inspekshon por eskrito
  • 3x pintura di spesifikashon di plan (bestektekening) formato A1
  • 1x nota di leges (ku e dunadó di pèrmit di konstrukshon a redaktá)
  • 1x komprobante di pago di leges

Paso 4 – Komienso di tratamentu di petishon pa pèrmit di konstrukshon

Dentro di 4 siman despues di a risibí esaki ta publiká e petishon pa pèrmit di konstrukshon ofisialmente den un òf mas korant lokal i e unidat di Pèrmit di Konstrukshon ta sigui ku e tratamentu.

Paso 5 – Eventual súplika pa informashon adishonal

Ta manda un email pa e persona ku a hasi petishon den kaso ku ainda tin kos ku no ta kompletamenta kla òf ora tin mester di informashon adishonal relashoná ku e pinturanan di konstrukshon. E persona ku a hasi petishon ta haña maksimalmente 4 siman di tempu pa kumpli ku esaki. Promé mester manda e dokumentunan adaptá digitalmente via e lenk pa upload den e email. Despues di aprobashon di e dunadó di pèrmit di konstrukshon, e persona ku a hasi e petishon mester entregá e dokumentunan adaptá 3x komo ‘hardcopy’ na lokèt di Entidat Públiko Boneiru.

Paso 6 – Evaluashon

Internamente e Komishon di Konstrukshon konsistiendo di Kuerpo di Bombero, Asuntunan di Tereno, Tráfiko, Maneho i Proyekto etc. ta evaluá e plan di konstrukshon.

Paso 7 - Desishon

Despues di aprobashon di parti di komishon di konstrukshon ta tuma un desishon: otorgá e pèrmit pa konstrukshon òf rechasá esaki.  

Paso 8 - Terminá proseso di petishon pa pèrmit di konstrukshon

Ofisialmente ta ‘boek af’ e desishon den atministrashon.

Paso 9 - Emishon di e desishon / Rechaso di e pèrmit di konstrukshon

Ta yama e persona ku a hasi e petishon òf ta manda un email p’e, pa e bin tuma e desishon. Si e persona ku a hasi e petishon no ta esun ku ta bin tuma e pèrmit, esun ku ta bin tum’é mester bini ku un apoderashon.

 

Durashon di e petishon

Nos meta ta pa kompletá bo petishon dentro di 16 siman despues ku nos a risibí e petishon. Kolegio Ehekutivo por posponé e desishon un biaha ku un máksimo di 8 siman.