For di djaluna 12 di mei 2025 bo por pidi e ayudo na diferente sentro di bario. Aya nan ta yuda bo pa yena e formulario.
Klik riba ‘Skema petishon den bario’ pa un bista di e dianan, horario i lugánan.
E aña akí bo por bolbe haña e ayudo di $ 1300 pa bo kuenta di WEB òf pa bo kuenta di PAGABON. Nan ta depositá e suma riba bo kuenta di WEB òf di PAGABON. Si bo no a yega di pidi e ayudo akí promé, esaki ta e chèns pa bo hasié.
For di aña 2022 Hulanda a pone medionan disponibel pa gastu di koriente, pero e aña akí nan a stòp ku esaki. Entidat Públiko Boneiru mes tin e rekursonan ainda pa paga e sosten un biaha mas.
Wak aki ki ta e kondishonnan pa por haña e ayudo pa koriente. Bo a yega di haña e ayudo kaba? Yena e formulario akí pa bo bolbe haña e ayudo.
Pa pregunta òf ayudo pa pidi e yudansa, bo por yama òf manda un mensahe di WhatsApp na +599 701 1055 di djaluna pa djabièrnè durante ora di ofisina. Tambe ta posibel pa manda un imeil na koriente@bonairegov.com.
