Impuestonan
Impuesto di turista
Ta kobra impuesto di turista i impuesto di hürmentu di vehíkulo di motor despues ku un persona òf empresa ku mester paga impuesto a hasi deklarashon (aangifte) di esaki. Personanan òf empresanan ku ta ofresé espasio pa alohamentu na turista, mester paga impuesto di turista. Personanan òf empresanan ku ta hür outo, motosaikel òf skuter ku turista, mester paga e impuesto di hürmentu di vehíkulo di motor. Personanan i empresanan ku mester paga impuesto di turista i impuesto di hürmentu di vehíkulo di motor, mester hasi deklarashon (aangifte) tur luna. Por hasi esei via belasting-olb@bonairegov.com.
Derecho di pèrmit di wega di azar
Kasinonan tin mester di un pèrmit di Entidat Públiko Boneiru pa bou di sierto kondishonnan eksplotá wega di azar den espasionan spesialmente destiná pa esei den hotèlnan. E pèrmit ta personal, no por traspas’é pa otro hende. Kada kuartal doño di e pèrmit mester hasi deklarashon (aangifte) di derecho di pèrmit di wega di azar. E tarifa di derecho di pèrmit di wega di azar ta 1,5% di e suma bruto di e entradanan di e doño di e pèrmit. Pa mas tardá riba dia 15 despues ku kada kuartal pasa mester paga e derecho di pèrmit di wega di azar. Via email mester manda e deklarashon (aangifte) i e komprobante di pago na belasting-olb@bonairegov.com.
