Impuesto di vehíkulo di motor

Impuesto di vehíkulo di motor (MRB)

Si bo tin un outo, motosaikel òf skuter, bo ta obligá pa paga impuesto di vehíkulo di motor. E impuesto aki ta stipulá den e Ordenansa di Impuesto di Vehíkulo di Motor Boneiru 2011 i den e korant di proklamashon 2016 (afkondigingsblad 2016). Departamentu di Finansa ta kobra e impuesto di vehíkulo di motor i ta manda e anslag pa bo. Pa e motibu aki den kaso di mudamentu bo tin ku mèldu bo adrès nobo. Esei por na bali di e departamentu òf via belasting-olb@bonairegov.com

Te ki dia e bendedó tin ku paga impuesto di vehíkulo di motor ainda? For di ki dia e kumpradó tin ku paga impuesto?

E bendedó tin ku paga impuesto te ku e kuartal durante kua a traspasá e plachi di number i e outo, motosaikel òf skuter pa e doño nobo.

Un ehèmpel. A bende e outo na luna di mei. E bendedó tin ku paga impuesto te ku e di dos kuartal.
E kumpradó tin ku paga impuesto despues di e kuartal durante kua a traspasá e outo i e plachi di number. Un ehèmpel. E kumpradó a kumpra e outo na luna di mei.

Preis di impuesto di vehíkulo di motor

Kombustíbel Lèter Base Henter aña Mitar aña Plachi di number
Gasolin B of V B $ 190.00 $ 95.00 $ 8.40
Diesel B of V D $ 838.00 $ 419.00 $ 8.40
Gasolin TX of AB C $ 137.00 $ 68.50 $ 8.40
Diesel TX of AB E $ 209.00 $ 104.50 $ 8.40
Gasolin MF A $ 137.00 $ 68.50 $ 5.60
Diesel Z G $ 1,257.00 $ 628.50 $ 5.60

Benta di outo, motosaikel òf skuter i e plachi di number

Yena e formulario pa traspaso di por ehèmpel e outo i e plachi di number. E bendedó i e kumpradó mester firma e formulario. Por yena e formulario na departamentu di Finansa. Ta importante ku e number di Crib di e bendedó i e kumpradó ta riba e formulario. Si e kumpradó no tin number di Crib ainda, e mester hasi petishon pa esaki na Servisio di Impuesto Hulanda Karibense. E departamentu no por tuma e formulario den tratamentu si no tin number di Crib menshoná riba dje.

E dokumentunan aki bo tin mester ora di kompra/benta:

  • Sédula di e doño nobo
  • Sédula di e doño bieu
  • Pa empresanan: ekstrakto di Kámara di Komèrsio no mas bieu ku 6 luna
  • Si esei ta nesesario, formulario di apoderashon i kopia di sédula di doño di e plachi di number (wak e pólisa)

Esaki bo mester hasi pa haña un plachi di number nobo:

  1. Sera un seguro na un kompania di seguro. Bo ta haña un number di i e polisa.
     
  2. Paga Motorrijtuigenbelasting i plachi di number na Belastingdienst Caribisch Nederland, BCN.  E suma ku bo mester paga ta dependé  di e tempu ku bo tuma e plachi di number. Promé  ku 1 di aprel bo por skohe si bo ta paga e suma den un tiru òf den dos biaha. Pa e sumanan bo por klek aki.  Si bo no tin un CRIB nummer, bo mester buska esei na  BCN. Bo mester di e CRIB nummer ora bo bai departamento di Finansa.  
     
  3. Pasa na departamento di Finansa ku e siguiente papelnan :
  • Formulario yená pa mèldu plachi di number nobo;
  • Prueba ku e vehíkulo ta sigurá;
  • Prueba ku a paga Motorrijtuigenbelasting i plachi di number;
  • Si e plachi di number ta pa un empresa: Papel di Kámara di Komersio no mas bieu ku seis luna;
  • Si bo ta outorisá pa tuma e plachi di number pa un otro hende : Formulario ku bo ta outorisá pa hasi esaki. Klek akí pa e formulario di outorisashon i kopia di ID di doño plachi di number.

Entregá plachi di number

Bo tin ku yena un formulario kompletamente i firma esaki. Klek akinan pa e formulario. Bo por yena e formulario na departamentu di Finansa tambe.

E dokumentunan aki bo tin mester ora bo entregá e plachi di number:

  • Deklarashon di kanselashon (si esei ta presente)
  • Sédula
  • Pa empresanan: ekstrakto di Kámara di Komèrsio no mas bieu ku 6 luna
  • Si esei ta nesesario: e formulario di apoderashon i kopia di sédula di doño di e plachi di number (wak pólisa)
  • Un prosèsverbal si nan a hòrta bo plachi di number òf si bo a pèrd’é

Si nan a hòrta bo plachi di number òf si bo a pèrd’é, e ora ei bo tin ku mèldu esaki na Finansa. Bo por usa e formulario di entrega pa esei. Si bo tin solamente un plachi di number, bo tin ku entregá esaki.

Despues di esei bo por hasi petishon pa un number nobo na e kompania di seguro. E ora ei e promé fecha di e siguiente kuartal ta bo fecha nobo pa registrashon di e plachi di number. Por lo tantu bo no tin mester di paga impuesto pa loke ta trata e kuartal durante kua nan a hòrta e plachi di number òf ku el a pèrdè. Bo tin ku paga $ 8,40 sí pa un plachi di number nobo. Si ya kaba bo a paga pa e plachi di number bieu, nan ta depositá e suma bèk pa bo.

Te ki dia e doño anterior ta paga e impuesto di vehíkulo di motor
E doño anterior di un plachi di number mester paga impuesto te ku e kuartal durante kua a entregá e plachi di number na Finansa.

Bo ta muda bai den eksterior?
E ora ei promé ku bo bai bo por entregá e plachinan di number na departamentu di Finansa. Si bo no hasi esei, e ora ei bo tin ku sigui paga impuesto di vehíkulo di motor!

Bo a bende bo outo, motosaikel òf skuter i bo no tin mester di e plachinan di number mas?

E ora ei bo por entregá e plachinan di number na departamentu di Finansa. Si bo no hasi esei, e ora ei bo tin ku sigui paga impuesto di vehíkulo di motor!
Den tur otro kaso kaminda bo no tin mester di e plachinan di number mas, bo por entregá e plachinan di number na departamentu di Finansa di Entidat Públiko Boneiru.