Hunta di Komisario Boneiru

Kurso di kapasitashon pa por partisipá den hunta di komisario na Boneiru

Bo ke partisipá na un kurso di kapasitashon pa un Hunta di Komisario na Boneiru?

OLB ta kuminsá ku un programa di kapasitashon pa habitante nan di Boneiru pa asina nan por opten’é un base di e eksigensianan pa por hasi e trabou di hunta di komisario i asina por solisitá ora tin vakatura. Den e kapasitashon aki bo ta haña e base pa bo por prepará bo mes pa bo por funshoná komo komisario den un kompania di gobièrnu. Nos ta yama esaki: good corporate governance. Lo bo siña tambe e parti finansiero di e komisariado i e parti ekonómiko. Lo trata tambe e dilemanan ku bo ta bai topa kuné i kon bo por aktua den un forma independiente.

E kapasitashon ta wòrdu organisá pa ofisina di kompanianan di gobièrnu (Bureau Deelnemingen) di  OLB. E ofisina aki ta responsabel pa konsehá kolegio ehekutivo ofer di good governance di e kompanianan di gobièrnu.