FAQ koriente

Tin kondishon pa haña e yudansa?

Si. Pa haña e yudansa, bo mester kumpli ku algun kondishon:

• Bo ta inskribí na Boneiru.
• Bo no mag di tin mas ku un sierto montante na entrada. Haltura di e montante ei ta dependé di bo situashon.

Klek aki pa mira ku bo por registrá.

Ta depositá e 1.300 dòler riba mi kuenta di banko?

Nò. Direktorado Komunidat i Kuido ta depositá 1.300 dòler riba kuenta di WEB. E ora ei bo tin un montante di 1.300 dòler na WEB pa paga bo kuentanan. Esta si bo no tin un debe pendiente na WEB. WEB ta registrá kuantu koriente bo ta usa den un luna. Ta deskontá e montante di luna for di e 1.300 dòler, te ora e sèn ei kaba. Ora e sèn kaba, bo mes ta bai paga atrobe.

Mi tin un debe pendiente na WEB. Kiko ta pasa ora mi haña e 1.300 dòler?

WEB ta deskontá bo debe for di e 1.300 dòler. Laga pasa ku bo tin un debe di 400 dòler. Ta deskontá e 400 dòler for di 1.300 dòler. E ora ei bo tin un reserva di 1.300 dòler ménos 400 dòler, pues 900 dòler.

A kita koriente serka mi. Ta deskontá e rekonekshon di 40 dòler for di e 1.300 dòler?

Si. Ta deskontá e gastunan di konekshon di 40 dòler for di e 1.300 dòler. Si a kita koriente serka bo, ta nifiká ku bo tin un debe na WEB. Ta deskontá e debe ei tambe for di e 1.300 dòler.